മുളന്തുരുത്തി.....(Piravomnews) ടേക്ക് എ ബ്രേക്ക് അടിയന്തരമായി പ്രവർത്തനം ആരംഭിക്കണം; എൽഡിഎഫ്.
എൽഡിഎഫ് സർക്കാരിനെന്റെ നവകേരളം കർമ്മ പദ്ധതിയുടെ ഭാഗമായി മുഖ്യമന്ത്രിയുടെ പന്ത്രണ്ടിന പരിപാടിയിൽ ഉൾപ്പെടുത്തി ശുചിത്വമിഷന്റെ സഹകരണത്തോടെ മുളന്തുരുത്തി ഗ്രാമപഞ്ചായത്ത് പെരുമ്പിള്ളി സ്ഥാനാർഥി മുക്കിൽ നിർമ്മാണം പൂർത്തീകരിച്ച ടേക്ക് എ ബ്രേക്ക് അടിയന്തരമായി പ്രവർത്തനം ആരംഭിക്കണമെന്ന് ആവശ്യപ്പെട്ട് എൽഡിഎഫ് മുളന്തുരുത്തി പഞ്ചായത്ത് കമ്മറ്റിയുടെ ആഭിമുഖ്യത്തിൽ പെരുമ്പിള്ളി സ്ഥാനാർഥി മുക്കിൽ സംഘടിപ്പിച്ച ശ്രദ്ധ ക്ഷണിക്കൽ സായാഹ്നം സിപിഐഎം തൃപ്പൂണിത്തുറ ഏരിയ കമ്മിറ്റി അംഗവും, കണയന്നൂർ കാർഷിക വികസന ബാങ്ക് പ്രസിഡന്റുമായ എം പി ഉദയൻ ഉദ്ഘാടനം ചെയ്തു. ശബരിമല സീസൺ ഉൾപ്പെടെ ആരംഭിച്ച സാഹചര്യത്തിൽ ജില്ലയിലെയും, സമീപ ജില്ലയിലേയും മറ്റ് സംസ്ഥാനങ്ങളിൽ നിന്നടക്കമുള്ള തീർത്ഥാടകർ അടക്കം സഞ്ചരിക്കുന്ന പാതയിൽ സ്ഥിതി ചെയ്യുന്ന ടേക്ക് എ ബ്രേക്ക് അടിയന്തരമായി പൊതുജനങ്ങൾക്ക് തുറന്നു കൊടുക്കേണ്ടതുണ്ടെന്ന് എൽ ഡി എഫ് പഞ്ചായത്തി കമ്മിറ്റി ചൂണ്ടിക്കാട്ടി. കൂടാതെ മറ്റു പഞ്ചായത്തുകളിൽ ടേക്ക് എ ബ്രേക്കിൻ്റെ ചുമതല കുടുംബശ്രീ പ്രവർത്തകരെ ഏൽപ്പിക്കുമ്പോൾ മുളന്തുരുത്തി പഞ്ചായത്ത് ഇതിൻറെ മേൽനോട്ട ചുമതല സ്വകാര്യ വ്യക്തികൾക്ക് നൽകുന്നതിനുള്ള ആലോചനവുമായി മുന്നോട്ടു പോവുകയാണെന്നും, അത്തരം നീക്കം അംഗീകരിക്കാൻ ആവില്ലെന്നും ഇതിൻറെ ചുമതല കുടുംബശ്രീയെ തന്നെ ഏൽപ്പിക്കണമെന്നും എൽഡിഎഫ് നേതാക്കൾ പറഞ്ഞു. എൽഡിഎഫ് മുളന്തുരുത്തി പഞ്ചായത്ത് കമ്മിറ്റി കൺവീനർ ടോമി തച്ചാമ്പുറം അദ്ധ്യക്ഷത വഹിച്ച യോഗത്തിൽ പി.ഡി. രമേശൻ, ജോൺസ് പാർപ്പാട്ടിൽ, പി വി ദുർഗ്ഗപ്രസാദ്, കെ എ ജോഷി, പി എൻ പുഷോത്തമൻ, വാർഡ് മെമ്പർ ആതിര സുരേഷ് എന്നിവർ സംസാരിച്ചു.
Take a break should start working immediately; LDF.
